Share this...
Share on Facebook
Facebook

Den 2. Dezember 2018 ass hei zu Schëffleng a Präsenz vun RTL

den offiziellen LANCEMENT vum Télévie Editioun 2019

Fir dësem flotten Evenement déi néideg Opmierksamkeet ze schenken, invitéieren de Schäffen- a Gemengerot all Schëfflenger Leit den

2. Dezember 2018 ëm 15.30 Auer an den Hall Polyvalent wou am Kader vun der Visite vum Kleeschen den offiziellen  Lancement vum Télévie

ofgehalen gett. Op dem Télévie-Stand kritt Dir weider Informatiounen.

 

Kriibs kann am Laf vum Liewe jiddereen treffen. Bei eis am Land erkranken méi ewéi 2.000 Erwuessener a Kanner all Joer un Kriibs. Eng Persoun vun veier stierft u Kriibs.

Och wann d’Fuerschung hei zu Lëtzebuerg ewéi och am Ausland an deene leschte Joere vill Fortschrëtter gemaach huet (dräi vu fënnef Kriibserkrankungen kënnen haut geheelt ginn), et stierwen allerdéngs nach ëmmer ze vill Leit un dëser onbarmhärzeger  Krankheet.

Fir de Kriibs nach mei résolut ze bekämpfen, muss d’Fuerschung aktiv vu jidderengem ënnerstëtzt ginn. De Sënn an Zweck vum Télévie Lëtzebuerg ass et, fir d’Recherche géint de Kriibs a speziell d’Leukämie virun ze bréngen.

Säit dem Joer 2002 konnten bis elo hei zu Lëtzebuerg iwwer 21 Milliounen Euro an d’Kriibsfuerschung investéiert ginn, dëst dank dausende vu Leit déi sech fir den Télévie engagéieren.

Macht och Dir mat – Merci!

Wann Dir den Télévie duerch eng Aktivitéit wëllt ënnerstëtzen, dann mellt Iech bei der Gemeng 54 50 61 214 oder schreift een Mail op televie@schifflange.lu

X