120.431 Euro goufen alleng zu Schëffleng gesammelt!

Vun Ufank Dezember 2018 bis Enn Abrëll 2019 war d’Gemeng Schëffleng ee vu fënnef Télévie Zenteren am Land.

D.h. datt vill Veräiner a privat Leit vu Schëffleng immens interessant Eventer an Aktiounen organiséiert hu fir Suen ze sammelen a soumat d’Kriibsfuerschung zu Lëtzebuerg z’ënnerstëtzen.

De Weekend vum 26. a 27. Abrëll war (trotz Reen) eng richteg lass hei zu Schëffleng: dës Deeg stounge ganz am Zeeche vum Télévie a mir sinn immens frou, datt mir zum Schluss esou e rise Scheck konnten entgéint huelen.

National koumen iwwer 2 Milliounen Euro ran, déi elo un den Télévie iwwerwise ginn.

 

De Comité vum Télévie seet dofir alle Schëfflenger an och deenen anere Leit, déi an iergendenger Form un dësem Succès bedeelegt waren, e ganz grousse MERCI!

 

Schëffleng – zesumme fir den Télévie!

 

Fannt eis och op Facebook!

Konferenz Dr Niclou

De 06.03.19 war eng interessant Sensibiliséierungs- an Informatiounskonferenz zum Thema « Kriibsfuerschung » mat der Dr. Simone Niclou. Hei...

Télévie
Plus 

Télévie am Film

Den Amateur-Filmveräin "AMCIS-Vidéo asbl" filmt déi nächste Méint Aktivitéiten, déi am Kader vum Télévie an der Gemeng Schëffleng stattfannen. Op...

Actualités, Télévie
Plus 
X